Organisaasje K.F. Easterein
De organisaasje fan de keatsferiening Easterein bestiet út in haadbestjoer fan 5 leden en ferskate kommisjes.
De kommisjes wurde diels oanstjoerd troch de bestjoersleden. Foar dizze organisaasjestruktuer is keazen omdat je dêrmei de taken oer mear minsken ferdiele kinne. Dêrmei bliuwt it frijwilligerswurk aardich om te dwaan.
Neist it bestjoer en kommisjes beskikt keatsferiening Easterein ek noch oer trainers, team- en partoerbegelieders en in protte oare frijwilligers. It bestjoer is tige wiis mei al har frijwilligers en meinammen mei de altiid positive wize wêrop hja harren ynsette foar ús keatsferiening.
Fanút de KNKB krije wy as feriening ûndersteuning yn de foarm fan in ôfdielingskonsulint en eltse feriening dy oansletten is by de KNKB hat de beskikking oer in útwreidich hânboek foar bestjoerlike, technyske en organisatoaryske saken.
