Woansdei 27 july 2016 giet de 12e Jong-Feinte los!![2016 Jong Feinte Flyer](https://kfeasterein.nl/images/Jong-Feinte/2016/2016_Jong-Feinte_Flyer.jpg")
Oanfang: 10:00 oere
Lokaasje: Sportpark De Skoalleseize yn Easterein
Lotting
Moandei 25 july 2016 wie de lotting. Yn oanwezigens fan it folsleine bestjoer, stiper en earelid Jan Hiemstra, stiper Jouke Huitema fan Nylân en in oantal oare belangstellenden waard de lotting iepen troch foarsitter Dirk-Yde Sjaarda. Om bar mochten de oanwêzigen in lotsje lûke en foar Easterein waard dat dien troch Marco Rijpkema dy’t woansdei meidocht.
Henk Bootsma wie ek oanwêzich en hat dizze moaie plaatsjes makke! Tige tank!
![20160725 JFPLotting1](https://kfeasterein.nl/images/Jong-Feinte/2016/20160725_JFPLotting1.jpg")
![20160725 JFPLotting2](https://kfeasterein.nl/images/Jong-Feinte/2016/20160725_JFPLotting2.jpg")
![20160725 JFPLotting3](https://kfeasterein.nl/images/Jong-Feinte/2016/20160725_JFPLotting3.jpg")
Op dizze 12 edysje dogge 26 partoeren en 22 ferienings mei!
We binne as feriening tige wiis mei de opkomst fan safolle jonges en junioaren! Want úteinlik giet om de keatsers en it keatsen fan de Freule nei de PC! Op de list steane 6 keatsers dy wis binne fan de PC 2016 yn Frjentsjer. En 3 dielnimmers oan de Jong-Feinte striide tongersdei 28 july foar it 16de PC-plakje.
Statistiken
| Jier | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
| Partoeren | 26 | 24 | 26 | 26 | 26 | 24 | 27 | 27 | 25 | 28 | 28 | 26 |
| Ferienings | 23 | 20 | 23 | 23 | 24 | 20 | 20 | 26 | 21 | 24 | 24 | 22 |
Op de 12e edysje fjouwer debutanten (ferienings): Doanjum, Lekkum, Berltsum 2, Minnertsgea 2
Alle 12 edysjes meidien: Dronryp, Easterein, Tsjummearum en Wommels
63 ferskillende ferienings ha meidien
Wol op NK Junioaren, mar net op Jong-Feinte: Hijum-Feinsum, Weidum, Lollum-Waaksens, Menaem
Wol op Jong-Feinte, net op NK Junioaren: Berltsum 2, Minnertsgea 2, Frjentsjer 2, Achlum, Seisbierrum 2, Lekkum.
Sjoch foar alle ynformaasje by Jong-Feinte, ynformaasje
Lieding
De lieding fan de Jong-Feinte op it fjild is yn hânnen fan W. Postma fan Bitgum en E van Wier fan Peins.
Bysûnderheden
Radio Eenhoorn is presint! Fanôf 13:00 oere folget in live-útstjoering fan de 12e Jong-Feinte.
Sjoch op http://www.radioeenhoorn.nl of folgje @Radioeenhoorn op Twitter of https://www.facebook.com/radioeenhoorn
Lykas ferline jier ha we dit jier ek wer in ‘razende reporter’. Dit jier sil Pieter van Althuis dit fersoargje. Bysûnderheden, ynterviews en oare saken sil hy presintearre! Hâld em yn de gaten op it fjild!
De Jong-Feinte is ek live te folgjen op dizze website (www.kfeasterein.nl), twitter (@KFEasterein) en Facebookside KF Easterein
En fansels alle oare parse en fotografen fan herte wolkom!
We winskje alle dielnimmers in soad sukses en elk in moaie Jong-Feinte dei ta op de 3e woansdei fan july!
