Yn ús jubileumjier mochten wy hjoed de famkes A en B klasse t.i.l. ûntfange yn Easterein. Mei prachtich keatswaar waard der sportyf keatst. De (klup)skiedsrjochters hiene it net dreech yn dizze kategory. De fammen keatse fûleinich mar earlik. Lit it in moaie opstap wêze nei de froulju’s kategory!
Yn de A klasse waard der mei 4 partoer poule keatst. Der stuts 1 partoer boppe-út. Partoer 1 mei Fiera, Inge en Gerde wûnen 3x en sa wie it dúdlik dat de krânsen foar harren wiene. Oer de 2e priis moast de wedstriidlieding efkes te set; sawol partoer 2 mei Anna, Roelie en Corrie as partoer 3 mei Rixt, Anouk en Marije hienen 16 punten foar. Hjirtroch moasten de tsjinearsten telt wurde en die bliken dat partoer 2 oan it langste ein luts mei 12 tsjinearsten om 15.
1e priis
Fiera de Vries Sexbierum
Inge Jansma Dronryp
Gerde Lycklama á Nijeholt It Heidenskip
2e priis
Anna Rob Winsum
Corrie Kroondijk Easterein
Roelie Kroondijk Easterein
Yn de B klasse wiene der 11 partoeren wêr’t yn 1e ynstânzje bylotten wurde moast. Troch in ôfmelding en in hiele snelle enkelblessure koe der trochskoot wurde en bleune der 10 folsleine partoeren oer. Yn de winnersronde gie de finale tusken partoer 7 mei Esmee, Alise, Chantal en partoer 10 mei Jessie, Esther en Rixt. Dit waard 5-1/6-4 yn it foardiel fan partoer 10.
Yn de heale finale ferlear partoer 2 mei Indy, Iris en Anke mei 5-4/6-0 fan de lettere winners.Yn de finale fan de herkansingsronde wûn partoer 1 mei Foke Jil, Nynke, Bente mei 5-3/6-4 fan partoer 8 mei Jildou, Marije en Iris.
1e priis
Jessie Rekker Bolsward
Esther de Vries Berltsum
Rixt Blanke Bolsward
2e priis
Esmee de Groot Stiens
Alise Steenstra Oosterbierum
Chantal de Witte Makkum
3e priis
Lisanne Leijenaar Bolsward
Marrit Meijer Wommels
Senne Idsardi Dronryp
1e priis herk.
Foke Jil Bakker Tersoal
Nynke Paauw Easterein
Bente Miedema Workum
Mei tank oan de karmasters, âlders en oare frijwilligers en ús haadstiper Couperus Hydrauliek ha we in tige slagge dei hân!
