Sealkeatsen snein 15 desimber
It keatsseizoen is al in oantal wiken foarbij en dat wie spitich genôcht ek te sjen oan de opjefte. Yn totaal wiene der 11 leden dy harren opjoen hiene foar de sealkeatswedstriid. Dêr hiene natuerlik noch wol in oantal bij kinnen mar y.f.m. Sinteklaasvieringen en oare droktes slagge dat net. Dit mocht de pret natuerlik net drukke. Mei 11 keatsers op de list waarden der 3 ferskillende listen ferkeatst. Nei in soad spannende partijen, inkele geweldiche boppeslagen en ferskate bysûnder atletyske aksjes giene de folgende minsken der mei de priizen fan troch.
A-maten
1ste priis Tjeerd Dijkstra 19 earsten foar, 15 tsjin
2de priis Rémon Tie Bouma 18 earsten foar, 11 tsjin
B/C maten
1ste priis Tymen Dijkstra 21 earsten foar, 9 tsjin
2de priis Sipke Hiemstra 21 earsten foar, 10 tsjin
3de priis Tom Couperus 19 earsten foar, 15 tsjin
Nei de tiid ha wij mei syn allen noch efkes gesellich sitten. Takom jier mar wer en dan hoopje wij natuerlik wer op wat mear dielname.
