KFE: Foarjiersgearkomste goed besocht

De foarjiersgearkomste fan keatsferiening Easterein waard op woansdei 26 maart goed besocht en stie foaral yn it teken fan it kompleet wurden fan it haadbestjoer! Efter de tafel sieten de 6 bestjoersleden en oanwêzich wienen sa’n 30 leden, wêrfan 4 earleden.

 

Ynterimfoarsitter Marten Faber iepen mei in moai ferhaal wêryn ek omtinken wie foar de twa frijwilligers dy’t net mear by ús binne, Germ Terpstra en Stoffel Bouma. 

Mar it giet wol fierder sei de foarsitter en sa is it ek.

We stean foar in bysûnder seizoen, it 110 jierrich bestean fan de feriening en de 10de edysjes fan de Jong-Feinte!

 

 

Haadbestjoer

Foar: Marten Faber, Christian Hoekstra, Hans Kooistra, Skelte Anema

Efter: Dirk-Yde Sjaarda, Mattie Dijkstra-vd Meulen, Wilma Sjaarda, Jikke Velzen-Greidanus, Elske vd Meulen

 

It bestjoer giet kompleet it nije seizoen yn mei de komst fan de niije foarsitter Dirk-Yde Sjaarda en fice-foarsitter Mattie Dijkstra-vd Meulen en ponghâlder Skelte Anema en hy wurdt dêrby stipe troch Willem Twijnstra.

In pear jier hat it haadbestjoer mei in lytsere besetting de feriening laad en dat fertsjinnet in kompliment. Lykas it feit dat de ‘âld-ponghâlder’ him dy perioade noch altyd ynsetten hat en hy foar de lêste kear de sifers mocht presintearre en koe in moai resultaat sjen litte.

Foar takom jier hat Anco frijwillich in sit naam yn de kaskommisje!

 

Kommisjes

By de technyske kommisje ferlitte Dirk Yde Sjaarda en Romine Jelsma de kommisje. En de plakken binne ek al wer ynfolt! Bauke Dijkstra wurdt de nije trainingskoördinator en ek yn de kommisje komme Robert Sijbesma en Judy Bergsma.

 

By de jongereinkommisje ferlitte Gep Bakker en Riemy Kamstra de kommisje en de nije leden wurde Fetsje Terpstra en Klaas Sixma.

 

Allinnich de wedstriidkommisje en de finansjele & stipekommisje ha noch in fakature. Foar 2014 sitte de leden fan de finansjele & stipekommisje yn de lustrumkommisje, oanfolt mei Sipke Hiemstra en Klaas Pompstra. Foar de fakatuere stiet al in kandidaat klear.

 

Ut namme fan de lustrumkommisje presintearret Tjeerd Dijkstra it lustrumprogramma

woansdei 28-05-2014	jongereinwedstriid
tongersdei 29-05-2014	senioarenwedstriid (Himelfeart)
freed 30-05-2014	Federaasjedei – alle kategoryen KNKB haadklasse manlju en froulju
woansdei 23-07-2014	Jong-Feinte – 10 jier
snein 07-09-2014	Lustrumdei ôfsluting seizoen foar bestjoer, kommisjes leden, stipers en frijwilligers.

 

Stipers

Ek tige grutsk koe Tjeerd fertelle dat de haadstiper en de kleanstipers allegear wêr ferbûn binnen oan keatsferiening Easterein.

Couperus Hydrauliek BV bliuwt dus haadstiper fan keatsferiening Easterein

De kleanstipers binne: Grafische Groep van der Eems. Leanbedriuw Okkema, Bos Mechanisatie en Installatiebedrijf De Jong.

Dit waard troch de seal mei grut applaus ûntfongen!

 

 

Federaasje Snits

Mei Federaasje Snits sil yn gearwuking de Federaasjedei (30-05-2014) organisearre wurde. De petearen binne der al en alles wurdt fierder út wurke.

Eppie Heins hat 6 jier as ponghâlder aktyf west binnen it bestjoer fan Federaasje Snits. Eppie, tige tank. Der is no dus in fakatuere.

 

 

Jierferslach en wedstriidagenda

De PR-kommisje hat wer in prachtich jierferslach makke en dat wurdt yn it skoft útrikt waard oan de leden by de gearkomste.

 

Jikke presintearret de wedstriidagenda 2014. In prachtige agenda fol mei moaie keatsaktiviteiten. Foar de leden dit seizoen mear wedstriden op de snein, sa as troch de leden alris frege is.

Sa sille dan mear KNKB-wedstriden op sneon ferkeatst wurde. Der binne dit jier 8 KNKB-wedstriden yn Easterein. 

Dei	Datum	Tiid	Plak	Kategory	Wedstriid	Soart
freed	30-5-2014	15.30	Easterein	Froulju	Haadklasse	t.i.l. – 8 partoeren
freed	30-5-2014	15.30	Easterein	Manlju	Haadklasse	t.i.l. – 8 partoeren
sneon	14-6-2014	11.00	Easterein	Froulju	1e klas	t.i.l. + ferl.
sneon	14-6-2014	10.00	Easterein	Pupillen	Famkes	ôfdieling
sneon	14-6-2014	11.00	Easterein	Pupillen	Famkes	t.i.l. + ferl. Ôfd
sneon	19-7-2014	20.00	Easterein	Junioaren	Jong-Feinte	LOTTING
wo	23-7-2014	11.00	Easterein	Junioaren	Jong-Feinte	ôfdieling
zo	10-8-2014	10.00	Easterein	Manlju	1e klas	Frije formaasje

 

It jierferslach en de wedstriidagenda wurde noch op de website setten. 

 

Letter mear…