Jong-Feinte – 1e omloop
Snelle en spannende partijen. We hiene fan alles wat yn de earste omloop. Seisbierrum-Pietersbierum 1 en Boalsert geane frij maklik troch nei de twadde list troch 5-0 winst op harren tsjinstanners (Wjelsryp en Wommels 1). Easterein koe it net rêde tsjin it sterke St. Anne. Op 1-3 6-6 wie der in kâns om oanslúting te finen, mar dit slagge net. Fanôf dizze 1-4 foarsprong gong it hurd en wie dêr winst foar St. Anne op 1-5 0-6.
![2013-07-24 11.25.10 Small](https://kfeasterein.nl/images/2013-07-24_11.25.10_Small.jpg")
Debutant Gaast-Ferwâlde ferliest fan Frjentsjer 2 mei 5-2 6-0. By Frjentsjer 2 keatst Jan Hof mei dy’t yn 2011 de Jong-Feinte Partij wûn mei Patrick Scheepstra en Erik de Groot. By Berltsum tsjin Bitgum wie it tige spannend. Op 2-4 6-6 slacht Tsjisse de bal foar en it wurdt 3-4. Hy makket it letter yn ‘e partij wer goed troch in sitbal te slaan op 4-4 6-6. It wurdt úteinlik 5-5 2-6 en Bitgum wint troch in kweaslach fan Berltsum op dizze stân.
![2013-07-24 11.28.31 Small](https://kfeasterein.nl/images/2013-07-24_11.28.31_Small.jpg")
In oare debutant, Jorwert, ferliest mei 0-5 4-6 fan Dronryp 2. Dronryp 1 tsjin Easterlittens is freselik spannend. It wurdt 5-5 6-2 foar Dronryp troch trije ballen bûten fan Easterlittens. Der komt in keats en Easterlittens wit de bal oant twa kear ta oer de boppe te slaan: 5-5 6-6. Dan komt der in dikke keats by de boppe foar Easterlittens en se witte dizze keats te behâlden. Easterlittens wint nei in 5-2 êfterstân.
![2013-07-24 12.25.27 Small](https://kfeasterein.nl/images/2013-07-24_12.25.27_Small.jpg")
Arnold Zijlstra, ferline jier winner mei Tsjummearum, mocht dit jier foar de lêste kear oantrede op de Jong-Feinte Partij. Se ferlearen mei 5-3 6-4 fan Arum. St. Jakob wint mei 1-5 2-6 fan Achlum en pleatst sich foar de twadde list. De tredde debutant, Jelsum-Koarnjum-Britsum, wint mei 0-5 6-6 fan Wommels 2. Menaem komt op de tredde list mei in steand nûmer, troch winst op Lollum-Waaksens mei 5-1 6-4.
![2013-07-24 12.34.21 Small](https://kfeasterein.nl/images/2013-07-24_12.34.21_Small.jpg")
| 1e omloop | |||||||||
| 1) Seisbierrum-Pietersbierum 1 | – | 2) Wjelsryp | 5 | – | 0 | : | 6 | – | 6 |
| 3) Wommels 1 | – | 4) Boalsert | 0 | – | 5 | : | 0 | – | 6 |
| 3) Easterein | – | 6) St Anne | 1 | – | 5 | : | 0 | – | 6 |
| 7) Frjentsjer 2 | – | 8) Gaast-Ferwâlde | 5 | – | 2 | : | 6 | – | 0 |
| 9) Berltsum | – | 10) Bitgum | 5 | – | 5 | : | 2 | – | 6 |
| 11) Wytmarsum | – | 12) Frjentsjer 1 | 1 | – | 5 | : | 2 | – | 6 |
| 13) Jorwert | – | 14) Dronryp 2 | 0 | – | 5 | : | 4 | – | 6 |
| 15) Donryp 1 | – | 16) Easterlittens | 5 | – | 5 | : | 6 | – | 8 |
| 17) Arum | – | 18) Tsjummearum | 5 | – | 3 | : | 6 | – | 4 |
| 19) Achlum | – | 20) St Jakob | 1 | – | 5 | : | 2 | – | 6 |
| 21) Wommels 2 | – | 22) Jelsum-Koarnjum-Britsum | 0 | – | 5 | : | 6 | – | 6 |
| 23) Menaem | – | 24) Lollum-Waaksens | 5 | – | 1 | : | 6 | – | 4 |
| 25) Seisbierrum-Pietersbierum 2 |
