Keatskes wike 34

Der is de ôfrûne wike wer om raak keatst, mei ek ûnder oare de froulju’s PC yn Weidum. Hjirby wer ús gebrûklike keatsupdate.

Froulju’s PC
Yn Weidum stienen Tineke (Dijkstra), Martine (Tiemersma), Sietske (Okkema) en de debutanten Jeska (Terpstra) en Roelie (Kroondijk) op de list fan de 42e Froulju’s PC. Helaas gjin sportyf sukses, al hellen Tineke en Sietske mei harren partoer al de 2e omloop. Foar Martine wie dit har lêste PC-optreden, sy stoppet nei dit keatsseizoen.

Snein 26 augustus

Froulju haadklasse f.f.
Yn Wommels gong de krânse ferrassend nei it partoer fan Tineke Dijkstra mei har maten Sandra Hofstra en Louise Krol. Yn de finale waard wûn fan it partoer fan Sietske Okkema. Sietske endy fersloegen yn de earste omloop de PC-winners fan ôfrûne woansdei. 

Famkes t.i.l.
In 2e priis yn Weidum wie der foar Corrie Kroondijk. Sa docht se alwer goede saken foar it klassemint fan de famkes, wêr’t se oan de lieding giet foar Roelie (2e) en Selma (6e). Sjoch hjir.

Manlju 50+ t.i.l.
Yn Balk wienen der prizen foar Tjeerd Dijkstra (3e priis) en Roel Sijbesma (1e priis herk. ronde).

Keetpartij Burchwert
Yntusken in ferneamde ‘wylde partij’ op it fjild fan Burchwert. Krânsen wienen der foar Doede-Rients Okkema (A-klasse) en Meile Kuiper (B-klasse). Danny Roos wûn dêr de 2e priis yn de A-klasse.

Lokwinske allegearre!